तेव्हा तरी तुला लाज वाटेलंच | You will feel ashamed then | मराठी कविता | Marathi Poem

 

"तेव्हा तरी तुला लाज वाटेलंच "

तेव्हा तरी तुला लाज वाटेलंच 

मित्रा , कधी तरी तू आरशात बघशीलच 

आरसा कधी तरी तुला तुझं खर रूप दाखवेलच 

एकदा निरखून बघ स्वतःला 

तेव्हा तरी तुला लाज वाटेलच !

दुनियेच्या दुनियादारीत तू खेळ खेळशील 

कधी नात्यांशी कधी मित्रांशी 

स्वार्थाच्या धुळीने माखलेला चेहरा 

कधी तरी धुवायला जाशील 

तेव्हा तरी तुला लाज वाटेलच !

भेटेल तुला क्षणिक सुख 

वरवरच्या आनंदात आकंठ बुडशील 

जेव्हा रडायचं असेल तेव्हा खांदा नसेल कोणाचा 

एकटा पडशील कोलमडशील  

तेव्हा तरी तुला लाज वाटेलच ! 

सत्ता , पैसा सगळं मिळेल तुला 

मिळणार नाहीत ती जिवाभावाची माणसं 

आता जे भोवती आहेत ती फक्त गिधाड 

त्यांनी लचके तोडले ना 

मग तेव्हा तरी तुला लाज वाटेलच !

तेव्हा तू कितीहि झगड

हातपाय मार , फोन फिरव

किती हि कर्तृत्वाचा पाढा गिरव 

बुडत्याचा पाय खोलात जाईलच 

तेव्हा तरी तुला लाज वाटेलच ! 

- अव्यक्त अभिजीत