धन्य जाहला जन्म आमचा - शिवाजी महाराज कविता | SHIVAJI MAHARAJ POEM

 

" धन्य जाहला जन्म आमचा "

धन्य जाहला जन्म आमचा 

जन्मलो ह्या पावन भूमीवर

महाराजांच्या पराक्रमाने 

भरून राहिला जिथंला चरचर || 

तेजस्वी तो सूर्य जन्मला 

शिवनेरीच्या या भूमीवर 

रक्षिण्या  त्या रयतेला 

जी अन्यायाने होती जर्जर ||

सह्याद्रीचा सिंह गरजला 

दिल्ली पर्यंतच्या तख्तावर 

स्वराज्याचे स्वप्न दाखवी 

गुलामगिरी च्या वक्तावर ||

नरसिंह असा तो छत्रपती तो

स्वाभिमानी राजा तो कणखर 

तलवारीची धाक एवढी 

शत्रू नुसता कापे थरथर ||

कनवाळू तरी न्यायप्रिय तो 

स्त्रीजातीचा करे जो आदर 

गडपती तो सामर्थ्यशाली 

रायगडावर त्याचा वावर ||

अहोभाग्य आपले हे जाणा 

शिकवण त्यांची ठसवू मनावर 

राजांचे हे नाव कोरुया 

आपल्या हरेक श्वासावर

आपल्या हरेक श्वासावर ||

- अव्यक्त अभिजीत